nurcan macit (nurcan)

Daxwaziyên Min

Lelê daxwaziyên min hene,
Daxwaziya min pir zelal e,
Wek ronahiya nav çavan e!
Wek ava çem û kaniyan e.

Lelê daxwaziyên min hene,

Ew pir xweş, ew pir şirîn e,
Wek şîrê di nav memikan e!
Wek kenê ber hemî lêvan e.

Pîrikê xwestinên min hene,
Yek gulên ser wan daran e,
Yek dengê berx û karan e;
Ya din jî axa welatê min e!

Lelê ez bengîn û ewîndar im
Ez dilevîn, dilketiyê welêt im
Şefeqa serê sibehan tim geş e
Ez her tim hêvîdarê roja gelan im

Xwestinên min ew xwestin in,
Rûmet, rizgarî û azadîya me!
Kesk, sor, zer her sê jî rengên me,
Yek alaya me ya din jî welatê me!

Mehmet Çobanoğlu
01.02.2009
Yildirim

Bu şiir toplam 550 kez okundu.
3.02.2009 11:03:55

• Yorumlar
• Yorum Yaz