nurcan macit (nurcan)

BİHAR TÊ

Bihar tê, bihar nêzik bû!
Bager, seqem jî bihurîn,
Berf heliya, robar rabûn,
Newal, kendal tijî av bûn.

Bihar tê, newroz nêzik e!
Gul, kulîlk tev hêşîn bûn;
Bager, seqem jî bihurîn,
Li ser axa me roj xuya bû.

Bihar hat, bihar nêzik bû!
Gul, kulîlk jî pê de pê de hêşîn bûn,
Deşt û zozan, war û welat
Ev dil û ev canê me geş bû.

Bihar xemilî, lez bi bez tê,
Gul, kulîlk tev şiyar bûn!
Roj hilat, dem dema jiyanê ye,
War û welat jî bûn gulistan.

Warê welêt gul û gulistan!
Bihar jî tê, êdî gul hêşîn bûn,
Darê baxan gulac vedan,
Warê welêt gul û gulistan.

Li deşt, zozanê dem bû bihar!
Bilbil ji van gulan re heval,
Roj hilat, welat warê jiyanê;
Ev dil û can her tim diyar.

Mehmet Çobanoğlu
11.01.2009
Yildirim

Bu şiir toplam 784 kez okundu.
16.01.2009 17:08:27

• Yorumlar
• Yorum Yaz